2016م - 1444هـ
بتحب ليه السيما!
اسأل محمد خان...
واسأل صبي حبها واداها روحه، اتخان
بتحب ليه الشتا؛
اسأل بقى الدخان
واسأل خيوط الصوف في البالطو هتقولك:
(لولا الشتا يا صديق كنا اتحرقنا حريق)
لولا السجاير والغنا والبُن
كنا صبحنا حطام
أو صنف من أصنام مصنوعة بالعجوى
ولولا - أحمد زكي وسناء جميل - مثلًا
كنا صبحنا حديد
أو علبة اسطوانات
لكن لحزن الحسن والخبطات
ربك جعلنا غلابة بالفطرة
علشان كده كل اما اجرّب الانتحار بافشل
وبتدخلوا الأوضة وانا باقول اكشن
فبتحسبوا المشنقة من جهلكوا فيونكة
ودي .. مش فيونكة
الكلام يبدو انتهى
بس فيه فى القلب حاجه ماقولتهاش
اللى عاش لنفسه مات
واللى مات لولاده عاش
واللى شال الشيله لسه ماتنساش
رب أسرة
جدار عريض
صاحب الروح الوحيد
يلا هامشى بس لينا كلام اكيد
بس رد الباب عشان
لو حد قالى هات ابوك
اجى اقولك
وتعاقبني
زى انا ما هعاقب ابنى
لجل يفضل مستقيم
اليتيم من عاش بدونك
فى الحقيقه انا مش يتيم.
كتاب
ديوان ديوان مثلا يمكنك تحميله من خلال الضغط على الزر الموجود بالاسفل
بالزر الايمن و بعد ذلك حفظ كملف - Right click and choose Save File (Link) AS
يمكنك الاستمتاع بقراءة كتاب
ديوان ديوان مثلا اونلاين وعلى الموقع الخاص بنا من خلال الضغط على زر قراءة بالاسفل