2016م - 1444هـ
ديوان وكإننا – جلال الدين عقبي



إزاي شوارعنا اللي بعترها الزمن ..

هتسيبنا تنجمّع بجَد؟

أنا قلبي طير محتاج سما ..

لكن بحد !

سيبي عينك مفتوحة له ..

يرسم سماه فيها ويفرد جناحينه ويحضنها ..

خليه يحس بإنه طِير لو مرة بس ..

أنا قلبي حَس بإنه ضاع وقت أمّا حس !



الشعر أتفه من محاولة ممنهجة لفك تعقيدة عينيكي ..

فإزاي أحاول بالحروف أوصف جمالِك ؟

ماقدرش أقول غير إني أقول الشعر هالكِ ..

وانتِ فـ شط العمر باقية ..

وانت بحبر الشعر خالدة ..

الشعر أتفه من معاندة .. مش مفيدة ..

( إني أنا قد جئتُ من بين الحروف مُقاتِلا و مكبلا )

فبلاش عشان أخلق حياة بعد الممات ..