2017م - 1444هـ
أغلبنا اتربى على قصص وأساطير سندريلا والأميرات.. واتزرع فينا بشكل ما إن الحياة السعيدة أو الـ Happily Ever After هتحصل لما مشاكلنا تنتهي بمعجزة.. ونلاقي الأمير الجامد اللي نقع في غرامه.. ونتجوز ونعيش عيشة فل.. وتوتة توتة خلصت الحدوتة! كل ده كلام جميل كلام معقول ماقدرش أقول حاجة عنه..

لكن للأسف مالوش أي علاقة بالواقع!



الواقع إن سر العيشة الفل هو السؤال اللي حيّر الملايين.. السؤال اللي هنجاوب عليه من خلال صفحات الكتاب.. السؤال اللي لو معندكيش إجابة عليه يبقى إنتي غالبًا ماشية في مسار غلط عشان توصلي مكان انتي مش عايزه تروحيه.. يبقى انتي عايشة زي ما المجتمع بيقولك وخلاص.. بتدوري على السعادة والنجاح في حدود القالب اللي مجتمعك حطك فيه، سواء كان اسمه كليات القمة أو العربية الشيك أو الجوازة اللي "شكلها" حلو وخلاص.. مشدودة بين اللي بيقولك إنك دورك في الحياة إنك تتجوزي وتخلفي وبس.. وبين اللي بيقولك اتمردي على الرجالة كلها بلا وجع دماغ!



إيه هو بقى سر العيشة الفل؟

موضوع مش للبنات بس!



إقتباسات :



السعادة يعنى حياة متوازنة





“أما بتقفي في مفترق طرق في حياتك بتختاري الطريق الآمن وخلاص اللى خوفك بيقولك عليه؟”

**********

“في سعينا نحو السعادة، من الجيد أن نتوقف من حين لآخر لنشعر فعلا بالسعادة”

************

“علمته يتكلم ازاي مع الشجر والبهايم

پوكاهنطاص”





"لا تطلب الفتاة من الحياة الا زوجا و اذا جاء : طلبت منه كل شيء "..هكذا قال شكسبير؛





إيه الحاجة اللي بتبقي مبسوطة وإنتي بتعمليها لدرجة إن الوقت ممكن يعدي كده من غير ما تحسي؟



إيه الهدف من حياتك؟ عايشة عشان إيه؟ إيه اللي عايزاه فعلًا من حياتك وليه؟



إيه الحاجة اللي بتحلمي إنك تعمليها في يوم من الأيام؟



هو إنتي تستحقي تعيشي سعيدة؟ إنتي شايفة إنك شخص يستاهل السعادة؟



لو بتفكري في المستقبل، هل عندك استعداد إنك تطلعي أحسن ما عندك؟ تخرجي أحسن إنسان جواكي؟